Auns (Vucins). Var byut lobi dakteri. Labi Ķrstei nu pohmeļa. Puišim pateik meitas, a meitom puiši. I lobĶk vairĶk. Drusku slinki, a cyti cīši strodeigi.
Auns (Vucins)
Var byut lobi dakteri. Labi ōrstei nu pohmeļa. Puišim pateik meitas, a meitom puiši. I lobōk vairōk. Drusku slinki, a cyti cīši strodeigi. Ka vāg, labi pļaun sīnu. Bīži īdzer, tod vysi ir draugi. Ļūti lobi cilvāki.
Vērsis (Teļš)
Pateik daudz runot. Īpaši, kad pylna sirds sazakrojuse. Nabogi. A citi otkol cīši bogoti. Itim cilvākim gūvs vīnmār atdūd vysu pīnu. Arī poši nav skūpi. Par tū, ka dzāroji, bet cīši lobi cylvāki.
Dvīņi (Vui cik daudz)
Troki mīreigi cilvāki. Ilgi dzeivoj par tū, ka cīši mīleij īdzert. Vairōk dzeijvoj pa mōjom, a cyti otkol zyrgā jōj apleik. Tur daudz lūpu — suņu, kaču, vystis ari, cytaidis reimys. Itim cylvākim vysi lobprot dūd iz poroda par tū, ka cīši lobi cylvāki.
Vēzis (Pūra trokīs)
Itim cylvākim nikod nav žāl. Jautri cylvāki, cīši leli dzāroji, tī, kuri prūt dzīdot… kuri naprūt, toža. Pateik cytim vysu kū dōvynōt, a reizem poši kai dōvonas. Strodeigi, leli buļbu laseitōji i runkuļu plieseji. Cīši leli dzāroji, bet lobi cylvāki.
Lauva (Strāšnīs)
Cīši smaideigi i cīši taupeigi, a cyti otkol nā. Daudz dzer ola, a kas nadzer, tī dzer pīnu. Napateik, ka cyti troki palīk. Bīži sapynūs radz pavasari. Pēc tam skrīn iz krūgu olu dzert par tū, ka leli dzāroji, bet gorā stypri i lobi cylvāki.
Jaunava (Bōba)
Cīši korteigi cylvāki, a cyti otkol nā. Vysu labi acacerās. Vīnmār zyna, kur batviņi sastateiti, a kur būrkōni. Acacerās ari, kur īprīkš nūslēpe buteļi, par tū, ka cīši pateik īdzert. Vyspor leli dzāroji. Jim bīži īt cīmeņi par tū, ka cīši lobi cylvāki.
Svari (Spaņs)
Cīši gydri cylvāki, a cyti otkol tikai smuki. Bīži vysu kū jūceigu izdūmoj. Ka smejās — vysa sāta skaņ. Labi guni kur i ēst taisa. A cyti daudz ād poši. Cīši draudzeigi par tū, ka leli dzāroji, bet ļūti lobi cylvāki.
Skorpions (Rupucs)
Puiši kori uz meitom, a meitas uz puišim. Tī, kas gudri, gotovi zvaigznis saskaitēt, a tī, kas nav gudri, tī nā. Meitom pateik pučis, a puišim ols. Godos arī ūtraižōk. Vyspōr itī cylvāki cīši mīlej īdzert. Kod iz pohmeļa sōp golva, nūzaspļaun i palīk vīglōk. Kai soka, kū tu lobam cylvākam padareisi.
Strēlnieks (Metiejs)
Cyti mienessierdzeigi, a cyti otkol nā. Leli runōtoji i leli strōdotōji. Kod vōrej sīru, vīnmār saīt. Gondreiž. Kod vōrej olu, saīt vīnmār. Troki pateik bučotīs, bet tikai tod, kod nav cīši pīdzāruši. Dvēselē cīši lobi cylvāki, koč i dzāroji.
Mežāzis (Ragains)
Daudz draugu, koč i moz naudys. A cytim otkol daudz naudys. Pateik daudz ēst. Garšoj buļbu blīņi. A kam nagaršoj, tod švaki. Itim cylvākim sātā vīnmār ir ols, par tū, ka poši ir leli dzāroji, bet ļaudis runoj, ka cīši lobi i uztycami cylvāki.
Ūdensvīrs (Žbaņķeļs)
Lels dzārojs, bet lobs cylvāks. Kai bolūdeits. Moz ād. Cyti mož i daudz ād. Cīši sirsneigi. Lelōko daļa ir tīvi. A cyti nav. Ka jīm stōsteisi sovas bādas, jī saprūt. A ka stōsteisi prīkus, jōnas buteļa. Itī cylvāki ir mōņticeigi. Bet kai īdzer, vyss ir labi.
Zivs (Osoka)
Cīši gleiti cylvāki, bet na vysi. Ir leli mōkslinīki. A kuri taidi nav, tī ļūti strodeigi. Cyti ir leli gulātoji. Cyti leli doncotōji, par tū, ka daudz dzer. Bet kū tu padareisi — ļūti lobi cylvāki. (“Latgales Laiks”)
